الأربعاء، 1 يونيو، 2011

عداله اجتماعيه!!بتجيبوا منين الكلام ده

يا شعبي العزيز المهاود
قرار انتقالي رقم كبير. "يتم رفع الحد الأدنى للرواتب إلى 700 جنيه حته واحده إن شاء الله ما حد حوش. و الله الموفق"

هو مش حكم المحكمه كان 1200 من 3 سنين يعني باسعار دلوقتي يجيي 1500؟
و فين الحد الأقصى للأجور؟
و ايه وعد الزياده ل 1200 خلال 5 سنين هي الفكره في كلمة 1200 ولا قيمتها؟
لو كده عندي حل نعمل عمله جديده نسميها "روضو" و نخلي الحد الأدني للرواتب 1200 روضو اللي هما بيساوا 300 جنيه سابقا. و نخلي الناس تهيص.

واضح اني مش حافظ ولا فاهم هي يعني ايه عدالة إجتماعيه يعني نرفع الرواتب الصغيره و منفتحش للرواتب الكبيره على البحري و كمان نزود الضرايب مع زيادة الدخل ولا معناها إن روبين هوود يشوف شغله و يسرق من الغني للفقير؟

هي الحكومه دي إسمها حكومة إيه؟ تسيير الأعمال ولا تبخير الأهداف؟ لو حد فاهم يرد بكومنت يفهمني يقعدله في صحته و عافيته قادر يا كريم.

هناك تعليقان (2):

  1. لأ هي الفكرة مش 1200 جنيه والسلام .. ال 1200 جنيه دول دلوقتي يجيبوا مثلا 1200 علبة صلصه .. طيب الراجل اللي في مصنع الصلصه كان بياخد 300 جنيه بقوا 1200 .. اكيد صاحب مصنع الصلصه حيخسر .. فحيزود سعر الصلصه .. وبكده بدل ما كنت بتجيب 300 جنيه 300 علبة صلصه .. وبعد ما زودوك وكان المفروض ختجيب 1200 علبة صلصه .. العلبه حتبقي ب4 جنيه فحتجيب 300 علبه بس برضو .. الموضوع عايز دعم .. عايز تفكير .. عايز وطنيه من رجال الاعمال

    ردحذف
  2. ارتفاع الأسعار الغير مبرر علاجه في وجود آليات لحماية المستهلك. الإعتماد على وطنية رحال الأعمال خيال علمي

    ردحذف